Ինչո՞ւ կարմիր գինին չի համադրվում բոլոր պանիրների հետ

Կա տարածված կանոն՝ պանիրն ու կարմիր գինին։ Բայց գործնականում այն միշտ չէ, որ աշխատում է։ Պանրի աղիությունն ու բարձր յուղայնությունը կարող են կարմիր գինու տանիններն ավելի կոշտ ու ընդգծված դարձնել։ Իսկ նուրբ պանիրը հեշտությամբ կարող է կորցնել իր համը հզոր գինու կողքին։

Այդ պատճառով փափուկ և յուղալի պանիրները հաճախ ավելի լավ են համադրվում սպիտակ, փրփրուն կամ քաղցր գինիների հետ։ Որքան ավելի ինտենսիվ է պանրի համը, այնքան ավելի հագեցած կարող է լինել գինին։